Etter eit hektisk halvår i ny jobb, i ny by og med mykje mas og tjas rundt meg, ville eg berre komme meg litt vekk. Vi var 3 stk som fekk tak i rimelege flybillettar og 3 heilt greie hotellrom i Marrakech. To veker etter avgjerdsla var tatt satt vi på flyet. Vi forlot Norge, som skimta med -20 grader i Oslo, grytidlig tirsdags morgen, og var framme i Marrakech, og 40 grader varmare, 5 timar etter.
Dette skulle bli godt!
Etter å ha prøvd å fått tak i taxi frå flyplassen til hotellet i ca. 45 min, gjekk vi inn på flyplassen igjen og leigde ein leigebil for heile oppholdet. Å prute pris på taxi kvar dag gadd ikkje vi etter den lille prøvelsen på flyplassen, og leigebilane var ikkje dyre. Leigebilen gjor jo at vi vart veldig frie og dermed kunne reise dit vi ville, når vi ville.
Mykje av tida vår i Marrakech brukte vi på Medinaen, gamlebyen i Marrakech. Markedet Djemaa el Fna underholdt oss både på formiddag og kveld med menn med slanger, aper i bånd, appelsinboder, selgara av alle slag, spådamer, henna-malere, medisinmenn og fortellere.
Eine dagen valde vi å ta ein tur til Atlasfjella. Vi spurde oss fram i byen og i forskjellige landsbyar, og klarte til slutt å havne opp i fjellheimen. Her vart vi møtt av små landsbyar med mykje fin natur. Heilt øverst parkerte vi bilen og fekk med oss ein gut som viste veg opp i fjellet. Der fekk vi sjå fossefall og god utsikt ned til landsbyen. Vel nede fekk vi kjøpt oss Tajiine grilla kylling- og oksekjøtt. Godt med mat i magen og kald drikke etter vandring i fjellet i varmen.
Marrakech hadde mykje fin og gammal arkitektur i byen. Her bl.a. Koutoubia Moskèen, og nokre små-detaljar frå Bahia Palasset som vi fekk oss ein tur inn i.
Eine dagen fekk vi lyst å reise vekk å sjå noko meir enn byen. Vi valgte derfor å stikke til Casablanca, ein stor by ved kysten av Marokko. Men sjølv om den er den største byen i Marokko, har den likvel ikkje så mykje å tilby turistar. Vi prøvde ut litt shopping, men fant ut at vi ikkje tjente noko på prisane her, og utvalget var ikkje så stort. Vi kjørte derfor like godt til sjøen og fekk gått litt på stranda og ete litt middag på ein restaurant der, før sola begynte å gå ned. Pga mange røvera og plyndrera langs veiane mellom Casablanca og Marrakech, prøvde vi å komme oss avgårde litt kjapt. Dette førte til at vi kjørte feil og dermed brukte litt over en times tid meir enn kva vi trengde.. Men vi fekk iallefall sett litt av ødemarka i Casablanca.
Turen var eit herlig avbrekk frå kvardagen heime, og det var derfor veldig kjedelig og tungt å reise heimatt lørdag ettermiddag. Ingen hadde lyst å sette seg på flyet og ta farvell med + 30 grader. Ein får vel heller berre stå på å jobbe, slik at ein har pengar til ein ny tur snarast mogleg! For dette var verkeleg godt for både kropp og sjel..!
